இரவு தாகம்.....

கைபேசி அதிரா இரவுகளில் 
கைபேசி தீண்டா விரல்களால் 
சப்தங்கள் ஒடுங்கிய தொண்டைக்குள் 
தண்ணீர் ஊற்றுகிறேன் 
நாவில் பட்டு 
அன்னத்தில் தெறித்து 
உள்நாக்கை தொட்டு கொண்டு குரல்வளையை அடைந்தும் 
தாகம் தணியவில்லை பெண்ணே 
உன் வாய்மொழி குடிக்கும் - என் 
செவிகளுக்கு மட்டுமே தெரியும் 
என் இரவின் தாகத்தை 
உன் குரல் நீரால் மட்டுமே 
குளிரச் செய்யமுடியும்............

                                              -----------பாரதிசரண்