முறுகிய வெயில்

முறுகிய வெயில்

கிளம்பும்போது சரியாய் மணி 11
கிழக்கிலிருந்து மேற்கே செல்ல வேண்டும் கலெக்டர் அலுவலகத்திற்கு..
தொடை வழி பிருஷ்டம் ஏறி முதுகு வரை வந்திருந்தது வெயில்.
எங்கிருந்து கிளம்பினாலும் 12மணிக்கு வந்துசேரும்படி அமைந்திருக்கிறது
இந்த அலுவலகம்.
வியர்வை வழிய, கிளை நிறைக்கும் காக்கை போல்
மரத்தடிகளில் பெருங்கூட்டம்.
சூரியன் உச்சி  வரும்போது உள்ளே சென்றால்
அந்த பிரித்தானிய கால கட்டிடத்தின்
சுவர் சுதையிலிருந்து நூற்றாண்டு வெல்லம்   உருகி வழியும்
எல்லா சில்லறை வேலைகளையும் முடித்து
அதிகாரி கையெழுத்தோடு  வெளிவரும்போது
பொத்தல் விழுந்த பனை மர உத்திரத்திலிருந்து
செம்மண் கரையான் கூடு செல்லரித்து உதிரும்
வெளியே கதிர்கள் சரிய தொடங்கியிருக்கும்.
கிளம்ப போகும் நேரத்தில்
ஜூஸ் கடைக்காரனிடம் ஒதுங்கியிருக்கும்
எல்லோர் கோப்பையிலும்
முறுகிய வெயிலதன் வெப்பத்தை
விளிம்புகளில் நிறைந்திருக்கும்..

                    பாரதிசரண்